去律師樓見工 如何突圍而出?

每次招聘請人,總有各式各樣的Candidates,去爭一個職位。

究竟,有志在律師樓工作的人士,無論想做Paralegal定Trainee,有咩可以令你突圍而出?

有一些十分明顯的例如要熟悉公司業務方向,早15分鐘到達公司,面試時面帶笑容等,可謂唔使提都應該知道。

我們以下會講講具體4件事,有做到的話,在僱主角度,可謂立即可以加分 (寫得比較口語,希望大家包容) :

1. Interview開始時,立即擺陣

好似打仗咁,首先要擺陣,面試其實都係。 一般求職者,入到Interview 房就咁坐低,兩手Fing Fing,等面試官問問題。

《孫子兵法》都話「凡戰者,以正合,以奇勝」。人準時到,就係「以正合」,最多打個和。當然,面試都遲到就無話好說。

打仗,要出動「奇兵」先係致勝關鍵。

面試的「奇兵」點擺陣?

首先,自己Print定多份CV,再帶一本簿,一支筆,淡定地全部放上檯面。

唔好睇小呢個動作,人同人溝通其實70%都係非語言的溝通,例如衣著,肢體語言,動作,笑容,聲線等。

效果:你睇落去係個準備充足的人,會預先準備資料,以備不時之需,同埋隨時準備寫Notes,代表你有誠意聽面試官講乜,唔係聽完就算。

2. 要顯示 “Intellectual Humility”

據Google CEO Sundar Pichai親口講,佢認為求職者有 “Intellectual Humility” 係最重要的因素。

咩意思? 簡單來講,就係被問及困難問題,唔識就承認,唔好講大話或者亂吹水。

但同時要好Keen咁向面試官了解同嘗試推理答案。

例如:「我唔太清楚呢個問題的答案,手頭上無相關資料,但我估計答案會同某某法律原則相關,而呢個法律原則要求我地分析幾點,例如 XXX ,唔知我咁理解係咪正確?」

一個好的面試官呢個時候會引渡你嘗試將答案推理出來,睇下你跟唔跟到,以及睇你推理技巧,表達能力以及應對能力。

當然,Intellectual Humility係體現於複雜問題,如果你連簡單問題都完全唔識,咁就幫唔到你啦。

無 Intellectual Humility的人,往往會亂吹一通。會顯示出求職者鍾意講大話,搵藉口,以及難教。

3. 「你有無咩問題想問我地?」的答案

幾乎每個面試都會以 「你有無咩問題想問我地?」作結。

你應該點答 (問)?

其實呢個環節係十分重要,主導權在你,係比你顯示自己誠意同埋準備功夫的好機會。

低分答案1:「都無咩問題」,代表你無誠意,無好奇心

低分答案2: 「我想問下人工幾多/AL幾多日/Lunch hour幾耐/ 有咩員工福利?」,面試官就會心想,這些事情你有Offer再講啦。

高分答案1. :「我留意到 貴行網頁主要列出業務A B C D E ,我想了解 貴行主力發展目標係邊幾項,而 貴行最看重員工有邊D技能,係特別或者經驗幫到呢D發展目標?」

這樣回答,顯示你有做功課了解公司業務,有誠意,同埋想了解公司究竟要咩人。但其實呢個問題,重點係比你帶出下一條問題,畫龍點睛。

高分答案2.:「明白,我自己都有技能X Y Z係特別擅長,唔知係咪符合 貴行要求? 而假如我有幸得到Offer的話,在開始工作前,有無D咩我可以提前準備或者訓練,以便我一開始做就可以盡快幫到 貴行?」

代表你有誠意,有備而來,運籌帷幄,以及計劃緊自己點先可以最幫到公司。HR都心想:You are hired!

4. 面試後當晚Send個Thank You Email

無論你Interview得好唔好,當晚Send個感謝電郵,多謝面試官花時間見你,以及講解公司資料,令你更了解公司同自己係好適合呢分工。

Send埋呢個感謝電郵,立即加10分。

希望以上資料幫到大家啦!

en_GBEN