「IP都唔使Check?」如何對付網路騙徒或匿名中傷

cafe

「IP都唔使Check?」*

無論係網上俾人誹謗,定係俾人網絡詐騙,受害人一大無奈之處,就係唔知道對方係咩人,姓甚名誰,住邊到。

呢個時候,律師其中一樣可以做嘅,就係向高等法院申請「Norwich Pharmacal Order」,要求無辜的第三方披露佢所知情嘅有關資料。常見例子例如要求網站提供留言者的IP地址,以及要求寬頻供應商提供IP地址的註冊者資料,甚至係要求銀行提供銀行戶口賬單。

前排有單Case,我哋就幫一間被騙幾千萬港幣嘅外國公司,多次向銀行同埋寬頻公司申請Norwich Pharmacal Order,查出騙案最大受益人,原來係公司關聯人士。 而發出詐騙電郵及虛假文件的電腦,正正係該名下登記。而該人之前一路都聲稱自己完全無辜,完全無收過錢,亦唔知道騙徒身份。

最終,我們將相關證據交給警方,商業罪案調查科立案調查及起訴該人。在高等法院進行陪審團審訊後成功定罪串謀詐騙,該人被判監八年。

所以,老土啲講,若要人不知,除非己莫為。有心查一定查到好多嘢。

公司管理層或股東如果發現公司有好多錢不知所終、有好多莫名其妙嘅開支,唔知去咗邊度,呢個時候,就係展開內部調查 (Internal Investigation)嘅時候。

由經驗豐富的律師,用各種法律工具,幫你明查暗訪。查有無內鬼,查有無騙徒,以及展開進一步法律行動,追討損失金額。

*「IP都唔使check」為香港網絡潮語,當有留言者貼出在家外望的景觀時,其他留言者如認得出拍攝地方來自什麼大廈,高低層,單位座向,就成日留言呢一句說話,意思係已經是已知留言者住址喺邊度,無需向寬頻商check IP地址。

發佈回覆

你的電郵地址並不會被公開。

zh_HKHK